स्टारयुग लाईव्ह : मोरगाव
बारामती तालुक्यातील रयत शिक्षण संस्थेच्या मोरगाव येथील श्री मयुरेश्वर माध्यमिक व उच्च माध्यमिक विद्यालयातील विद्यार्थी सक्षम सचिन यादव याने गोळा फेक स्पर्धेत नुकताच प्रथम क्रमांक पटकावला. या यशाबद्दल मोरगाव परिसरातून त्याच्यावर कौतुकाचा वर्षाव होत आहे.
तालुक्यातील माळेगाव क्रीडा संकुलामध्ये आयोजित केलेल्या तालुकास्तरीय 14 वर्षे वयोगटातील गोळा फेक स्पर्धेत 64 खेळाडूंमधून सक्षम सचिन यादव याने प्रथम क्रमांक पटकावत घवघवीत यश संपादन केले. या यशानंतर त्याची जिल्हास्तरीय स्पर्धेसाठी क्रीडा संकुल बालेवाडी या ठिकाणी निवड करण्यात आली आहे.
विद्यालयाचे मुख्याध्यापक अर्जुन कोकरे व पर्यवेक्षिका नंदा नाझिरकर, क्रीडा विभाग प्रमुख रमेश शेवते तसेच ज्येष्ठ शिक्षक तुषार माथने, विजय हाडके, प्रवीण आटोळे, अमित आवाळे, सारिका तांबे यांनी त्याचे अभिनंदन केले. तसेच या वेळेस त्याचे पालक सचिन पांडुरंग यादव हे देखील उपस्थित होते.
